Do poprawnego działania strony wymagane jest włącznenie obsługi javascript. Zmień to w opcjach Twojej przeglądarki i odśwież stronę.
Pomorska Nagroda Artystyczna
środa, 5 lutego 2020
Nie znaleziono zdjecia
Statuetka Gryfa Pomorskiego. Fot. Bożena Micun-Gusman.

Do 14 gromicznika mòżno zgłasziwac artistów do Pòmòrsczi Kùńsztowny Nôdgrodë

Pòmòrskô Kùńsztownô Nôdgroda 2020 mô wëapartnic nôwikszé wëdarzenia w pòmòrsczi kùlturze w 2019 rokù. Wôżnô je artisticznô dzejalnota, a też dozér. Szùkô sã tak samò za debiutantama, jak ë młodima artistama a ùtwórcama kùńsztu z wiôlgą spùscëzną. Kandidatów mòżno zgłasziwac do 14 gromicznika 2020 r.

Zgłoszenia razã z ùzasadnienim na pismie nót je składac w Nadbôłtowim Centrum Kùlturë we Gduńskù. Nôdgrodë bãdą rozdóné òbczas galë.

Za co mòżno dostac nôdgrodã?

Pòmòrskô Kùńsztownô Nôdgroda wrãczónô je w trzech kategoriach. Czej jidze ò Artisticzną Kreacjã, òbsądzëclowie wëbiérają kùńsztowné wëdarzenié, jaczé béło łońsczégò rokù. W kategorie Pòmòrskô Artisticznô Nôdzejô sztatułkã dostôwô artista, nie wiedno debiutujący, chtërnégò kùńsztowną spùscëznã je widzec ë dôwô wiôlgą nôdzejã na przindnotã. W kategorie Mecenat Kùlturë wënadgrodzenié zwëskiwają lëdze abò firmë co wspierają kùlturã. Kòmisjô wëbirô też dobiwcã jindiwidualny nôdgrodë szpecjalny. To je Wiôlgô Pòmòrskô Kùńsztownô Nôdgroda, jaką prziznôwô marszôłk pòmòrsczégò wòjewództwa za całosztôłt wiôldżich artisticznych dobëców.

Chto mòże zgłasziwac kandydatów?

Zgłoszenia kandidatów do nôdgrodë mògą robic wszëtcë donëchczasowi dobiwcowie nôdgrodë, stowôrë ë ùtwórcowé zrzeszë, jinstitucje kùlturë, partë pùbliczny administracje, ùczebnie, media, bùtenrządowé òrganizacje ë pòdmiotë co dzejają w kùlturalny zónie. Zgłoszenia mùszą miec  pisemną fòrmã ë bëc ùdokôznioné. Nôwicy mòżno zgłoszëc piãc sztëk kandidatów: trzëch do Pòmòrsczi Kùńsztowny Nôdgrodë, jednégò do Pòmòrsczi Artisticzny Nôdzeje ë jednégò do czestny Nôdgrodë za dozér kùlturë.

Wicy na starnie www.pomorskie.eu

 

Nataliô Kłopòtk-Główczewskô
Redakcjô starnë Pomorskie.eu
Kancelariô Marszôłka Wòjewództwa
tel. 58 32 68 447,
e-mail: n.klopotek@pomorskie.eu

NAJNOWSZE ARTYKUŁY
© Copyright 2005 - 2020 Portal Regionalny kaszubi.pl
Wydawnictwo Zrzeszenia Kaszubsko-Pomorskiego
Projekt graficzny: Iselin
Webmaster: Łukasz Makurat
Strona korzysta z plików cookies w celu realizacji usług i zgodnie z Polityką Prywatności. Możesz określić warunki przechowywania lub dostępu do plików cookies w Twojej przeglądarce. Kliknij na to powiadomienie, aby je zamknąć.